Newcastle United chuan Nottingham Forest leh Sweden forward Anthony Elanga an ngaihven. (Teamtalk)
Arsenal chuan Juventus hmakhalhin Euro 2024-ah Italy tan mit la taka inlan Bologna defender Riccardo Calafiori lak ngei an tum. (Telegraph – subscription required)
Matthijs de Ligt chuan lak tuma ngaihven mektu Manchester United zawm a duh. Bayern Munich chuan kum 24 mi Netherlands defender manah hian 50m euros (£42.4m) an chhiar. (Sky Sports)
Paris St-Germain chuan kum 22 mi Leeds United forward Crysencio Summerville an thlithlai. (De Telegraaf – in Dutch)
Manchester United chuan Bologna forward Joshua Zirzkee lak tumin hma an la chhunzwm. AC Milan chuan Zirzkee hi mimal inremna an neihpui thei tawh nia hriat a ni a, he ti chung hian Netherlands international lak tumin United in an tha an thlah phah chuang lo. (Calciomercato – in Italian)
Manchester City chuan Brazil winger Savio chu City Football Group club dang Troyes atanga lak tumin an ngaihven. (Athletic – subscription required)
Chelsea chuan Argentine defender Aaron Anselmino chu Boca Junior in an chhiarna zat £14m sengi lak an remti. (Football.London)
West Ham in 35m euro (£26.9m) tawktarha France defender Jean-Clair Todibo lak an dilna chu Nice in an hnar fithla. (L’Equipe – in French)
Borussia Dortmund chuan Brighton atanga Germany midfielder Pascal Gross an la thei lo a nih chuan kum 28 mi Tottenham leh Denmark midfielder Pierre-Emile Hojbjerg lak an tum dawn. (Sky Sports Germany)
Manchester United chu nipui bazar inhawng mekah Harry Maguire dawrtu an awm a nih chuan tha taka dawngsawng turin an inhmakhua. Italy club ten kum 31 mi England international hi an ngaihven niin tarlan a ni. (Talksport)
Swansea defender Nathan Wood chuan an club leh Southampton ten man leh mualah £5m-a an inrem fel hnuin Saints zawm fel turin medical test a hmachhawn. (Football Insider)
Aston Villa midfielder Philippe Coutinho chuan tunkar chhung hian Aston Villa chhuahsan fel a tum a. Kum32 mi hian a chawrchhuahna club Vasco da Gama zawm fel thuai a tum. (Birmingham Live)
Manchester United chuan English forward Marcus Rashford chu nipui bazar inhawng mekah chhuah an phalsak thut thei tih an pha lem lo. (Manchester Evening News)
Burnley chuan an manager thar atan Fulham boss hlui Scott Parker an ruat dawn. (Football Insider)
Wolves chuann Juventus midfielder Arthur Melo chu lak theih tur chi a ni em tih an thlithlai. (Birmingham Live)
West Ham chuan Manchester United right-back Aaron Wan-Bissaka lak tumin an ngaihven a, kum 26 mi hian thla 12 vel chauh Old Trafford-ah contract a nei tawh. (Metro)