Ningani khan Aizawl West-I bialtu MLA TBC Lalvenchhunga chuan a bialchhung zirna in hrang hrang, Sub Centre leh NGO thenkhat hnenah Computer set 17 leh printer 18 a sem chhuak.
Bialtu MLA TBC Lalvenchhunga hi sawrkar thil pawimawhah Delhi a a zin lai a ni a, Computer set leh Printer sem chhuah hi Block hruaitute kutah dahin Block hruaituten nimin khan an sem chhuak a ni. Block I leh Block II-ah a hran ve vein sem a, Block I lam hi Lalthankhuma Inah hun hman niin, he hun hi TBC Lalvenchhunga nupui Lalremsiami’n a tawiawm a. Block II lam hian Sairang VC Hall-ah hun hmangin CL Niliana, Block II Vice Presidet-in a kaihruai a, Block President Vanchunglura’n thusawina hun a hmang bawk.
Block hruaitute chuan ZPM sawrkar thla 6 chhung lekin West I bial chhunga School leh hmun hrang hrang hrangah CSR hmangin water cooler leh computer set thahnem tak sem a ni thei chu lawmawm an tih thu an sawi a, MLA viak tha a ngaihna hria an neih avangin lawmthu an sawi bawk a ni. He hunah hian hmasawnna kawnga hmalak zel dan tur leh pawl kal zel dan tur an sawi ho nghal bawk.