#Zozam Times July 06: YMA, Dawrpui Branch-a Kumpuan Sub-Committee kaihhruainain vawiin khan Dawrpui Khawtlang Duty ten ruih theih thil chi hrang hrang an man cheng nuai thum chuang man an halral.

Dawrpui Khawtlang Duty-in ruihhlo chi hrang hrang an man te hi Dawrpui Sikul Complex-ah halral a ni a. Nikum 2023 December hnu lama ruih theih thil chi hrang hrang an man te an hal ral a ni.

Dawrpui Khawtlang Duty-in ruih theih thil chi hrang hrang an man an hal ral te hi Heroin (No. 4) Rs. 3,49,000 man hu te leh damdawi ruih theih chi hrang hrang bakah sap zu, beer leh rakzu te niin, a vaiin Rs. 3,80,900‬ man hu vel a ni.

Aizawl Bazarpui awmna hmun Dawrpui vengah hian Local Council, YMA leh tlawmngai pawl dang te thawkhovin Khawtlang Duty an awm thin a. Police lam te nen pawh thawk hovin ruihhthei thil chi hrang hrang bakah dan bawhchhiatna chi hrang hrang te man chhuah an nei nitin deuhthaw thin.

Dawrpui veng hi Aizawl bazarpui awmna hmun, mi chitin fuankhawmna hmun a nih avangin Khawtlang Duty te pawh hi an hah thin hle a ni.