- Ruata
South Korea company lar Kia chuan an lirthei lar pahnih Sonet leh Seltos variant pakhat GTX variant chu a chi thar an tichhuak.
- Kia Sonet GTX thar
Kia chuan an subcompact SUV, Sonet GTX thar an tihchhuah hi Rs. Nuai 13.71 (ex-showroom) man a ni a. Hei hi HTX+ leh GTX+ variant inkara mi a ni a. Ken tel kamah chuan 10.25-inch touchscreen infotainment system with Apple CarPlay and Android Auto connectivity, 10.25-inch digital instrument cluster, air purifier, powered driver’s seat, ventilated front seat, 360-degree camera with blind-spot monitor, front and rear parking sensor, auto headlamp, LED fog lamps, leh airbag paruk (6) te a ni a. Heng bakah hian ken tel hrang hrang a awm bawk.
Kia Sonet GTX thar hi rawng chi 7 – Imperial Blue, Pewter Olive, Intense Red, Gravity Grey, Glacier White Pearl, Sparkling Silver, leh Aurora Black Pearl a awm a. GTX variant thar bakah hian Kia India chuan Sonet X-Line-ah Aurora Black Pearl rawng an dah thar bawk a. A hma kha chuan Matte Graphite rawng chauhin a chhuak a ni.
A khawl lamah chuan Kia Sonet GTX thar hi 1.0L turbo petrol engine, 7-speed DCT automatic gearbox hmang leh 1.5L diesel engine, 6-speed torque converter automatic transmission keng tel te duhhtlan tur a awm a ni.
- Kia Seltos GTX thar
Tarlan tawh angin Kia chuan an midsize SUV lar leh hralh kal Seltos-ah pawh GTX variant thar hi an tichhuak a, Sonet ang thoin X-Line variant-ah rawng chi thar, Aurora Black Pearl rawng an tichhuak bawk a ni.
A khawl lamah chuan Seltos GTX thar hi 1.5L turbo petrol DCT leh 1.5L diesel automatic duhthlan tur a awm a. A kentel hrang hrang zingah dual-zone climate control, ventilated front seat, ADAS tech, leh 18-inch alloy wheel te a tel bawk a ni.
Heng Kia SUV pahnih hi Mizoram ngeiah pawh hralh kal tak ve ve an ni a, hetianga GTX variant thar an rawn tichhuak hi thil tha tak leh a leitute tana duhthlan tur tih tam belh tu a ni a, market lama an dinhmun chawikang zel tu pawh a nih ngei a beiseiawm a ni.