Hnam Rûn chhung inkhawm nimina neihah Lalrintluanga Sailo, MLA, NCC, MNF General Headquarter ni bawk chuan thusawiin, ZPM kaihhruai Mizoram sawrkarin Ration Buhfai (card var) nasa taka tito a, POL aṭanga chhiah an tihsan chungchang a sawi.
Rintluanga chuan mipui nawlpui, sawrkar hnathawk awm ve lohna chhungkuate pawhin rualkhai taka sawrkar zar kan zo ve theihna, UT kan nih lai aṭang tawh a kum 51 zet Buhfai subsidy a kan lei ṭhin kg 1 Rs. 15 atanga a let thawk Rs. 30/-a ti to ta mai hi a makin, a pawi a tih thu a sawi a. Tin, POL aṭanga chhiah lak a ti sang te, inrenchemna kalpui inti si a, thaba rulhna nia insawi a sum tam tak senga Lunglei a Council of Ministeru an va ṭhukhawm te kha ‘sum tam tak ai a hmingṭhatna thlang zawk’ inti Party te thil tihah chuan a awm lo hle a ni, a ti.
Rintluanga chuan Remna Ni a Chief Minister Pu Duhoma thusawi sawizawmin, India nen kan inremna point 17 te kha Pu Lalduhoma leh Pu Laldenga duan dun ni lovin ramhnuai sawrkar a Cabinet ten an duan a ni, a ti a. Kan CM hi a party awmna a sawn apiangin remna chungchanga a thusawi a dang zel ṭhin a; chuvangin Inremna chungchang hi sawi ve tawh lo se a duh thu a sawi.
Rintluanga Sailo chuan, MNF chu Hnam Party kan nih angin thawhhona ṭha tak nei a, taima tak a ram leh hnam tan a thawk chhunzawm zel turin Party mite a fuih bawk.
Hnam rûn chhung inkhawm hi Ngurzamlova, Adviser, MNF Gen Headquarter chuan kaihruaiin, Upa Zoramthanga, Adviser, MNF General Headquarter chuan hunserh a hmang.