Infiammite khawmpui lian ber Olympic -a inelna pakhat Basketball inelna hmachhawn turin Greece an tling a. Basketballer hriat hlawh tak Giannis Antetokounmpo chuan Olympic a hmachhawn thei dawn.
Basketball inelna hmachhawn tur zawnna hnuhnungah Greece hian an khingpui Croatia chu point 80-69 in an hneh. Croatia an hneh theih nan Milwaukee Bucks player pawimawh Antetokounpo a khel tha viau a, point 23 a thawkchhuak. He hnehna hlu tak hmang hian Olympic hmachhawn turin an tling a, kum 2008 Beijing Olympic hnua a vawi khat nan Greece Basketball team te hi Olympic-ah an inlan leh thei dawn. Hnehna hlu tak changa Olypic an hmachhawn dawn vangin Antetokounmpo biangah mittui a luang hial a ni.
Antetokounmpo hian kum 2021 khan NBA-ah Milwuakee Bucks a champion pui a, hliam a neih vangin April hnu lamah a inkhel thei lo reng. Olympic hmachhawn tur zawnnaah pawh Greece tan a inlan thei mai lova, hun pawimawh takah inlanin, an ram a tlinpui ta tho thung.
Olympic a Basketball khel tur zawnna dangah Brazil in Latvia an hneh a, Riga leh Spain an tlang ve bawk. Anni bakah hian Puerto Rico chuan Lithuania an hneh a, kum 2004 hnu lamah a vawi khat nan Olympic khel turin an tling ve bawk.