Tukleh maia tlangzarh tur Eminem album thar, ‘The Death Of Slim Shady (Coup De Grace)’ tracklist tihchhuah a ni.
Apple Music-in tracklist rual hian album cover art a tlangzarh nghal bawk a, body bag atanga Slim Shaddy-a lu rawn lawrchhuak hmuh theih a ni.
Rimawi khawvelah kum 20 chuangzet mai huhang ngah tak maia a la ding reng mai leh Rap genre ngaina lem lo te pawhin an huat theih miah loh ni bawk Eminem album thar hian engti ang takin nge boruak a rawn neih len len dawn tih chu a hriat thuai ang.
Tunhnaia neih zawh Glastonbury music festival 2024-ah khan zaithiam lar tak takte inlan ve bawk mah se, a pumpui anga thlirin a hlawhtling a tih theih lohva, chhimtu an tlem bakah thawm liantham a siam lo.
Heng te vang hian 2025 kumthar lo awm turah Enimem sawmchhuah ngei a ngai dawn, tih chu organiser te thutlukna a ni a, an kochhuak thei a nih ngai chuan chhimtu an tam belh dawn bakah festival thawm a ring hle ang, tih a chiang bawk.
‘The Death Of Slim Shady (Coup De Grace)’ Tracklist:
‘Renaissance’
‘Habits’
‘Trouble’
‘Brand New Dance’
‘Evil’
‘All You Got’ (skit)
‘Lucifer’
‘Antichrist’
‘Fuel’
‘Road Rage’
‘Houdini’
‘Breaking News’ (skit)
‘Guilty Conscience 2’
‘Head Honcho’
‘Temporary’
‘Bad One’
‘Tobey’ ft. Big Sean, BabyTron
‘Guess Who’s Back’ (skit)
‘Somebody Save Me’