Hun eng emaw chen zai lama thawm lian tham nei tawh lo Katy Perry chuan September 20, 2024 hian album thar, ‘143’ tihchhuah a tum ta.
Album parukna tur chungchang hi social media lamah tarlangin, cover art pawh a dangdai hle.
Katy chuan, “Kum 1990s tir lamah khan ‘143’ hi ‘I Love You’ sawi nana hman thin code lar tak kha a ni a, pager lamah pawh message thawn nan ber an hmng thin,” a ti.
Hla leh music chungchangah engnge an beisei dawn, tia zawhna pawh, “Hla thu huaisen angreng tak te bakah dance-pop lam rawngkai te thlengin ngaihthlak theih a ni ang a, message kaltlanga ‘I Love You’ entirnan 143 kan hman lar thin te kha a rawn phawkchhuak mawi hle turah ka ngai,” a ti bawk.