Bollywood actress Jacqueline Fernandez chu a vawi lina ni turin Enforcemnet Directorate (ED) chuan money laundering thubuai lian takah thu zawh fiah atan a ko leh.
Thubuai liantham taka a hming a lan hnu ah hian India ram chhuahsan a, ramdanga zin khap bur niin, he thila a kaikuang lian ber Sukesh Chandrashekhar nena an lo inzui ve thin vang te leh A hnen atanga present manto tak tak a lo dawn thin vangin kohnawn a ni.
Jacqueline hian Chandrashekhar-a’n dan kalh a chetna leh a thil buaipui engmah a hriat loh thu sawiin, an puhna a hnial thin a, Delhi court-a a inlana tum paw’n Chandrashekhar hian a play kual nasat vangin meidil note tem ang maiin, nun hrehawm takah a hnuklut, a ti bawk.
Kum 38 mi Sri Lankan chhulchhuak, Bollywood actress lakah 2022 khan ED lamin chargesheet siamin, a kawppui Chandrashkhar-a thil tih leh chetvel dan hrereng chungin a hnen atangin thil pek manto tak tak a dawng thin, tih a ni.