Nimin khan Mizoram Ex-Services League Headquarters (HQ MESL) hruaitute chuan sipai pension tana sorkar hna reservation chungchangah Home Minister K Sapdanga an hmu.
HQ MESL President Lt Col Clement Lalhmingthanga hi Lt Col ZS Zuala, Wg Cdr HL Risanga, Sgt.Dr Ronald, Sub Maj R Lalthupuia, PO C Lalsiamkima leh Hony Capt B Sanga Sailo ten an tawiawm a. MPSC in Assistant Sub-Inspector of Police post 20 a lak turah Ex-Servicemen te tan reservation siam a ni lo chu pawi an tih thu leh, sorkar in dan a siam anga an chanvo an chan theihna atan hmalak pui turin Home Minister hi an ngen a ni.
Home Minister K Sapdanga chuan sipai pension te chu ram tana an thawhna te an hriat reng thu leh an chanvo an chan theihna atan theihtawp chhuah a hma a lo lakpui tur thu a lo hrilh.