Manchester City chuan Saudi Peo-League club atangin £25m senga kum 30 mi Brazil goalkeeper Ederson lei dilna an dawng. (HITC)
Manchester United chuan nipui bazar inhawng mekah Sweden defender Victor Lindelof hralh an duh a, kum 32 mi Denmark midfielder Christian Eriksen dawrtu an awm chuan tha taka dawnsawn an tum bawk. (Manchester Evening News)
Chelsea chuan Tottenham, Bayern Munich leh Paris St-Germain te nen Rennes midfielder Desire Doue inchuh turin an inpeih. (L’Equipe – in French)
Manchester United chuan an hnen pan tura inpeih Brentford leh England striker Ivan Toney an ngaihven. (Christian Falk via Mail)
Serie A club Como chuan Manchester United in an chhuah zalen France defender Raphael Varane lak dan kawng an dap. (Fabrizio Romano)
West Ham chuan Netherlands winger Steven Bergwijn an ngaihven a. Mah se Marseille leh Saudi Arabian club te chuan Ajax atangin sum tam zawka lak tumin an ngaihven ve mek bawk. (De Telegraaf – in Dutch)
AC Milan chuan Atletico Madrid atangin Spain captain Alvaro Morata lak tumin an ngaihven a. Morata bakah hian Borussia Dortmund atangin Germany striker Niclas Fullkrug lak an duh tel bawk. (Sky Germany – in German)
Manchester United chuan Arsenal pawhin lak an tum Turkish midfielder Ferdi Kadioglu an lak hmain an winger Jadon Sancho hralhchhuah hmasak zet an tum. (Teamtalk)
Everton, West Ham leh Newcastle ten lak tumin ngaihven bawk mah se Federico Gatti chuan Juventus ah cham chhunzawm a duh zawk vangin EPL club te hian an lak theih hmel ta lo. (Tuttosport)
Portuguese defender Nuno Tavares chuan Arsenal atangin Lazio chu loan in a zawm fel thei tep tawh. (Fabrizio Romano)
Leicester chu Juventus forward Matias Soule manah £21.5m tawktarh turin an inpeih. (Gazzetta dello Sport via Football Italia)
Mourinho enkawl Fenerbahce nena sawi zawm French winger Allan Saint-Maximin chuan a khelh mekna Al-Ahli chhuahsan a rilruk. (Yagiz Sabuncuoglu)
Arsenal, Manchester United leh Aston Villa te chu Girona leh Ukraine winger Viktor Tsygankov lak tumin an inel hlawm. (AS – in Spanish)
Nottingham Forest leh Fiorentina te chu Serbia defender Nikola Milenkovic chungchangah an indawr tan. (Gianluca di Marzio)
Everton in hnar tawh mah se Newcastle chu English forward Dominic Calvert-Lewin dawr nawn leh turin an inhmakhua. (Football Insider)
Napoli chuan kum 31 mi Chelsea leh Belgium forward Romelu Lukaku an ngaihven chhunzawm. (Sky Sports)
Italy, Manchester City leh Liverpool forward hlui Mario Balotelli chu free transfer-a Corinthians zawm turin an indawr tih Corinthians youth director in a sawi. (ESPN)
Arsenal chuan lak tuma an hel mek Italy leh Bologna defender Riccardo Calafiori an dawr fel thei tep tawh. (Football Insider)
Chelsea goalkeeper Kepa Arrizabalaga chu Saudi Arabia club Al-Ittihad nen an indawr mek. (Athletic – subscription required)
Paris Saint-Germain boss hlui Laurent Blanc chu Al-Ittihad in kum 2026 thleng an club enkawltu tur manager atan ruat fel thuai an tum. (Fabrizio Romano)
Tottenham leh Republic of Ireland striker Troy Parrott chuan AZ Alkmaar zawm fel thuai turin medical test a hmachhawn thuai dawn. (Football Insider)
French midfielder Desire Doue chuan nipui bazar inhawng mekah Rennes a chhuahsan a nih chuan Bayern Munich nge Paris Saint-Germain zawk a zawm dawn tih tichiang turin thutlukna a siam a ngai dawn. (Sky Germany)
Tottenham pawhin Doue hi lak tumin an ngaihven ve bawk. (Football.London)
Lyon chuan kum 16 mi Southampton forward Alejandro Gomes Rodriguez an la fel thei tep tawh. (Athletic – subscription required)
Spanish midfielder Saul Niguez chuan Atletico Madrid chhuahsanin Sevilla zawm a remti. (Fabrizio Romano)
Bournemouth striker Kieffer Moore chuan Sheffield United zawm a tum. (Sheffield Star)