MPCC Treasurer Dr Lalmalsawma Nghaka leh MPCC hruaitu thenkhat chuan nimin khan Mizoram Health Care Society Chief Executive Officer Dr. Biakthansangi hmu in Mizoram Health Care tawp ta chungchang an sawi pui.
Dr. Lalmalsawma Nghaka chuan, “April 2024 khan tun a Health Care kal lai mek a hi a tawp a. A zawh hnu a in enroll thar ngai, in enroll thar duh, natna hrang hrang in a tlak buak si, in enkawl ngaihna hre lo te hi an lainat awm in an dinhmun a khrih hle a. Cancer etc vei thar in enkawl ngai in enkawl thei silo thahnem tak awm mek te pawh hi Health Care Scheme thar a awm hma tal an lo in enkawl lai lawk theih nan a ruahmanna siam sak a tul in a pawimawh hle.
Health Care-a an limit hmang zo tawh si, in enkawl nan a Health Care a in nghat miharsa tam takin tunah hian harsatna an tawk mek a, an in enkawlna a bik takin chemotherapy la mek te, dialysis tih ngai te leh natna hrang hrang a vanga enkawl ngai mek, in enkawl chhunzawm thei lo an awm hi a pawi kan ti hle a, an tan hian a bik tak a ruahmanna sawrkar hian siam sak turin kan ngen a ni, a ti a.
Congress party chuan kan ti ang kan tih chu kan ti thin. Health Care chungchang pawh hi inthlan hma khan Manifesto ah kan nei a, AICC Expert te nen zirchiangin ruahmanna kan nei vek a ni. ZPM hian Health Care chungchangah ruahmanna nei angin an insawi a, Manisfesto ah pawh an telh ve tho a. Mahse tunah thuneihna an chan hnu hian an ruahmanna neih kha a hmantlak ta lo nge, an ti hleithei ta lo kan hre lo. Mahse Health Care hi mi harsa tak tak mamawh tu an tam em em mai si a, a tuartu mipui an nih avangin hma la ngei turin kan phut tlat a ni, tiin.
“Mizoram Health Care Society a thawk tuten Mizoram mipuite tana in hnathawh kan hre reng a, kan chhuang em em chu a, Mizoram mipuite aiawhin Congress party chuan lawmthu kan hrilh che u a ni” a ti bawk.
Dr. Biakthansangi chuan Health Care ruahmanna thar hi October thla chung ngeia kalpui an tum thu leh a hlui pawh engemaw chen extend chungchang an ngaihtuah thu Congress party hruaitute hi a lo hrilh ve bawk a ni.