English Premier League club lian Manchester United chuan season thar atan an squad an thuam chak tan a, Sir Jim Ratcliffe rorel hnua an player lak hmasak ber ni turin Bologna striker Zirkzee chu £36.5m sengin an la lut.
Manchester United hian Bologna leh Netherlands striker Joshua Zirkzee manah £36.54m zet an seng dawn a, kum nga daih contract an ziahpui. A contract hi kum khat dang pawh sei theih turin contract-ah ziah tel a ni bawk. Zirkzee hi a lakchhuah theihna zat chu 40m euros (£33.6m) a ni a. United hian sum hloh leh hlep lama khuahkhirhna bawhchhiat an hlauh vangin Zirkzee hi manto zawkin an la lut dawn a. Bologna atanga an lakna hi thawk leh khata pek tlak nghal tur ni lovin, kum thum chhunga pek tlak tur a ni dawn thung.
United forward thar Zirkzee hian season liam ta khan Bologna tan Italian Serie A-ah vawo 37 a khel a, goal 12 a thun. Serie A-ah an chetthat vangin rin loh takin champions league an khel phak nawlh nghe nghe. Club tan a chetthat vangin Netherlands aiawh turin Euro 2024 khel turin koh a ni a. Manager Ronald Keoman chuan bul a tantir lova, bench atangin vawi hnih a luhtir. Ram tan a cheUnited hian beiseina sang tak nen an la lut a, an chhawr tangkai theih ngei a beiseiawm.
Kum 23 mi Zirkzee hian Kum 2017 khan Dutch club lian Feyenoord atangin German club lian Bayern Munich a zawm. Bayern Munich ah hian beisei angin a vul chhuak zo lova, loan in Parma leh Anderlecht te a zawm. Khelhna hmun a chan tam theih loh vangin Serie A club Bologna chuan £7.15m zengin an la lut ve leh a.