ZPM party chuan Mizoram Lokayukta-a Case lian tak tak Pending mek pathum Ropeway leh Skywalk chungchang te (MLC No.37&39/2021), NABARD sum pûk hmanga Mizoram School thuamthat chungchang (MLC No. 41/2022) te chu ACB ten investigation an la kalpui mek a, Lengpui Airport sak chungchanga complaint lut (MLC No. 42/2022) pawh Mizoram Lokayukta ngaihtuah turin a inchiah mek bawk a ni, an ti a.
Sub-section 5 of Section 19 of the Mizoram Lokayukta Act, 2014-ah chuan Corruption case te hi chhui tura Lokayukta-in Order a chhuah atanga thla 6 chhunga zawh tura tih a ni a, an zo hmanlo a nih chuan thla 3 aia reilo extend theih thu tarlan a ni bawk a. Hetihlai hian MLC No. 37&39 of 2021 (Irregularities in the construction of Ropeway and Skywalk) chu ACB chhui turin ni 30.05.2023 khan referred a ni tawh. Amaherawhchu, vawiin thleng hian Investigation hi zawh a la ni lo a, investigation period, danin a bituk hun chu a liam tawh a ni.Hemi bakah hian MLC No. 41 of 2022 (Misappropriation of NABARD loan for renovation of schools in Mizoram) chu 13th February, 2024 khan ACB chhui turin hlan a ni tawh bawk a. MLC No. 42 of 2022 (Mismanagement in the renovation works of Lengpui Airport) chu NGO pakhat Mizoram First te chuan ni 14.03.2022 khan Lokayukta ah hian Complaint an thehlut tawh bawk a ni. Hetah pawh hian investigation result mumal tak vawiin thleng hian a la awm lova, mipui sum tam tak chingpenna ni ngeia lang he’ng case lian tak tak pathum pending mek te hi a zuzi mai ang tih a hlauhawm hle a, mipui te ngaihven leh CBI ngeiin chhui se kan tih case te an ni, tiin nimin khan Lok Ayukta-ah an thlen a.
CBI hnena refer tur hian consent pek a ngai a nih pawhin ZPM kaihhruai Mizoram sawrkar chuan consent pawh hi a pek nghal ngei a rinawm a, chuvang chuan Mizorama eirukna a reh theihna tur leh kan ramin hma a sawnna tura kawng pawimawh tak a nih avangin vawiin hian he’ng corruption case serious tak tak pathum te hi CBI kuta hlan turin Mizoram Lokayukta-ah hian ZPM General Headquarter, Legal Department chuan ngenna a thehlut a ni, tiin thuchhuah an siam zui bawk.