Ni thum cham tura nilaini a lo zin, Bhagirath Choudhary, MoS for Agriculture and Farmers Welfare, Govt of India leh BJP Mizoram State President Vanlalhmuaka te chu Bhagirath Choudhary thlenna State Guest House Chaltlangah nilaini tlai khan an inkawm.
Mizorama loneitute harsatna tawh mek leh Mizoram loneitute tihhmasawn dan tur an sawi dun chungchangah Hmuaka thu thlen te chu chhinchhiah in, a taka chantir ngei a nih theih nan hma lak ngei a ni ang tiin Union Minister Bhagirath Choudhary chuan BJP Mizoram State President Vanlalhmuaka chu a hrilh a ni.
Hmuaka chuan Mizoramin hma a sawn theih nan chuan Mizoram mihring za zela 75 loneitute chu eizawnna ngialnghet siam sak hmasak an ngaih thu Union Minister hi hrilhin, Mizorama loneitute’n harsatna an tawh hrang hrang, a bikin an thlai thar hralhna leh sawngbawlna kawnga harsatna an tawhte, transportation chungchanga harsatna an tawh te, thlai chingtute’n an thlai chinna tihchangthlunna atana soft loan/KCC loan an mamawh dan te, loneitute tana Central sorkar scheme, Mizoram in FPO kan kalpui dana kan fail dan te, khuarel chhiatna in loneitute hmunhma a tihchhiat chungchang a chhawmdawl an ngaihthute a sawipui a, Mizoram loneitute leh kuthnathawktute tan State sorkarin sum hman tur a neih loh dan te a sawipui a ni.
Union Minister Bhagirath Choudhary chuan Modi-a kaihhruai sorkarin Mizoram sorkar a ngaih pawimawh thute Hmuaka chu hrilhin, Mizoram loneitute’n harsatna an tawh mek leh an harsatna ata ṭanpui an nih theih dan tur ziaka Mizoram a chhuahsan hma ngeia pe turin a hrilh a, amah ngei pawh loneitu a nih thu leh loneitute harsatna chu a hriat thiampui thu hrilhin, Rajasthan State-a loneitute hruaitu a nih thu a sawi bawk.
BJP Mizoram president hi Lalthangmawii, State Gen Secy, R Lalmalsawma State Secy & State Kisan Morcha Prabhari leh Lalruattluangi, State Kisan Morcha G.S te’n an ṭawiawm bawk.