Hmeichhe lakah a chet mawi loh vanga Manchester United in an chhawr duh loh, chhawr duh loh chunga an hralh that duh bawk si loh Mason Greenwood chu Old Trafford atangin a inpuchhuak ta nge nge a, French club lian Marseille a zawm fel.
English rawlthar zinga talent nei tha, England player pawimawh la ni ngei tura ngaih Greenwood hi Manchester United academy-ah a inzirchhuak a. Kum 2018 atang khan Manchester United senior tan a khel tan. Inelnaah United tan a khelh hmasak ber chu champions league-ah Paris St-Germain an hmachhawn tumin a ni. United tan hian inelna hrang hrangah vawi 129 zet a khel a, goal 35 a thun hman. United tan a khelh that vangin England tan vawi khat a khel hman bawk.
Club leh ram tan a hming a chher chhoh viau lai hian a bialnu lakah a chemawi lo va, a mualpho zui hle. Hmeichhe lakah a chet mawi loh vang hian United chuan an first team atangin an ban nghal a, chhawr zui an tum tawh lo va, England pawhin an ko zui duh ta lo bawk. Hun harsa tak a tawh hnuah boruak a intheh kiang hret hret a, January ni 22, 2022 khan loan in Gatafe a zawm. Loan-a a khelhna Getafe tan a chetha a, club hrang hrangin an hmu tai thar leh. Heltu a nei neuh neuh chungin Marseille hian 31.6m euros (£26.6m) in an la lut fel ta a ni.