Nimin khan Mizoram Nursing Council leh National Institute of Health & Family Welfare (NIHFW), New Delhi tangkawp buatsaih ni 5 awh tur “Training on Leadership in Infection Prevention & Control (IPC) for Nursing Professionals” chu Mizoram Nursing Council Training Hall, MINECO, Aizawlah hawnna programme neih a ni a. He hun hi Lalrinpuii, Health Minister in a hmanpui.
He training hi Mizoram District zawng zawnga nurse-te tana Training of Trainers niin tum 3 neih tura ruahman a ni a, tun tuma mi hi a tum 1-na tur a ni.
He hun hmanpuitu Health Minister Lalrinpuii’n hawnna hun a hman zawh hnuah nurse-te tan fuihna thu a sawi a. Nurse hna chu hna zahawm leh damlote tana an tawngkam ringawt pawh damna leh thlamuanna a nihzia a sawi a. Tin, infection prevention and control lama nurse-te pawimawhna sawiin, training nei tura rawn kalte chu an training zawha an district theuhva trainer pawimawh tak an nih dawn avangin uluk taka hun hmang turin a chah a ni.
He training hawnna hi Mary Ramte Pachuau, President, Mizoram Nursing Council (MNC) leh Deputy Director (Nursing)-in kaihruaiin, Zochuanpuii, Registrar, MNC in report kimchang a pe a. R. Lalbiakzuala, Addl. Secretary, Health & Family Welfare Department, Dr. Vanlalsawma, Principal Director, Health & Family Welfare bakah Mizoram Nursing Council member te leh Nursing Officer-ten an tel hle. Lalchhanhimi, Vice President, Joint Director (Nursing) ni bawkin lawmthu sawinain hun a khar a ni.