Nimin khan B. Lalchhanzova, Supply Minister office-ah ZPM General Headquarters hruaitu thenkhat leh MZP hruaitu leh Mizo Convention (Youth Wing) Tripura aiawhte chuan Zomuantlang khuaa chengte Ration Card paihsak chungchang sawihona hun an hmang.
Zomuangtlang khuaa Ration Card neitute hi kum 2022 atanga khan endikna neih tawh a ni a, mitthi leh document fel lote pawh paih an ni nual tawh a, tun hnaia Zomuantlanga chhungkaw 80 dawn paih anga mi thenkhatin an sawi hi a dik lo va, Ration card hi Computerised a nih tak avangin card hi a neih double theih lo va, tuna Ration card paihsak tak chhungkaw 13 te hi Tripura lama card nei an ni a, Mizoram nen card a neih double theih tawh loh avangin paih an ni tak thu an sawi a ni.
Hemi chungchangah hian Supply Minister hovin ZPM party hruaitute leh MZP hruaitute chuan a hmuna endik tura kal leh an tum a ni.