Bollywood actor Sushant Singh Rajput thih atang kha a bialnu nia sawi Rhea Chakraborty hi kawng tinreng a, enthlak leh enzui niin, tun thleng hian film-a inlan tura sawmna a dawng tawh lo.
Hetih lai hian, mite’n an en hrek hrek dan te chu a la ngai reng a, room a luh veleha mite mit fukna ni chhunzawm zelin, zinkawng awlsam lo tak a zawh ta reng mai a ni.
Sushant thih hnu-ah mite rilru-a a tlak nat tawh loh vang leh ringhlel reng renga an enzui vangin film chang tura sawmna a dawng tawh ngai lova, producer leh director lam pawhin an thinhrik a ni ber.
Rhea chuan, “Mite hian engnge ka tih a, engtinnge ei ka zawn, tihah hian an chiang lo te pawh a ni ang. Film-ah ka inlan tawh lo na a, thil dang ka buaipui thung. Motivation speaking ka ti ve thin a, chu chu eizawn nan ka hmang,” a ti.