Chris Brown chu concert-na hmun a backstage lama kut inthlakna thlengah zangnadawmna $maktaduai 50 chawi tur a khin a ni ta.
Larry Parker, Joseph Lewis, Charles Bush leh D Marcus Powell te chuan nimin khan thubuai hi thehlutin, tour promoter Live Nation te pawh an hmer tel ani.
Chris Brown hi 11:11 Tour nei mek a ni a, Texas-a kut inthlakna thlengah hian amah hmuh tumtu heng mi pali te hian backstage lamah lo nghakin, Brown hi an intiam hma darkar chanve velah an mahni hmu turin a kal a, boruak chhe tak a thleng nghal.
Report hrang hrang tarlan danin, heng mi pali zinga mi pahnih khat te leh Brown hi tunhma lama lo inhmelma tawh an ni awm a, Brown-a’n an mahni a hmuh veleh kuttum a sur zung zung a, an inhel nuai ta mai nia hriat a ni.