- Ruata
Maruti Suzuki chuan an hatchback lar leh hralhchhuah tam Ignis chu special edition thar, Radiance Edition an tlangzarh.
Maruti Suzuki Ignis hatchback hi India ramah kum 2017 khan tihchhuah a ni a. A model update hi kum 2020 leh 2023-ah te a lo awm tawh a, design nasa lutuk a thlak si loin an tuaithar zeuh zeuh thung a ni.
Tunhnaiah India ram pum anga chhutin Ignis hi a hralhchhuah lamah a tlahniam ve hlek a, hetihlai hian Mizoramah chuan lirthei hralhchhuah hnem ber te zinga mi ti a sawi theih a ni thung a. Maruti Suzuki in special edition thar an lo tichhuak tur hian market lamah pawh nasa takin hralhchhuah tam lamah a rawn puih ngei beisei a ni.
Maruti Ignis Radiance Edition variant man tlawm lam, Sigma trim nghahchhana duan hi Rs. Nuai 5.49 (ex-showroom) man a ni dawn a ni. Sigma variant pangngai special edition aiin Rs 35,000 in a tlawm zawk a. Company lam hian Ignis Radiance Sigma-ah hian accessories Rs 3,650 man hu an dah a. Hetah hian door visor, 15-inch steel wheel, leh chrome highlight te a tel a ni.
Zeta leh Alpha variant nghahchhan Ignis Radiance Edition pawh hi heng variant a chhuak mek aiin Rs 35,000 in a tlawm zawk bawk a. Accessory package Rs 9,500 man hu kengtelin a kawngka cladding, door visor, black cushion, leh seat cover thar te a nei a ni.
Alpha trim-ah hian kentel hrang hrang – SmartPlay infotainment system with remote app, driver seat height adjuster, auto climate control, puddle lamps, reverse camera, LED projector headlamps with DRL leh thil hrang hrang a awm dawn a. Zeta trim-ah thung chuan rear parking sensor, rear defogger, rear wiper, electric folding wing mirror, keyless go, speaker pali leh tweeter pahnih, steering-mounted control, keyless entry, fog lamp, bakah 15-inch alloy wheels te kan hmu dawn a ni.
Standard feature-ah chuan 12V power outlet, front power windows with driver side auto down, tilt-adjust steering, AC leh heater, dual airbag, ABS with EBD, speed-sensing door locks, Isofix child seat anchor, driver seatbelt reminder bakah 15-inch steel wheels te kan hmu bawk a, hei hi a man tlawm lama awm tur a ni.
Maruti Ignis Radiance Edition hian khawl ngai, 1.2L, 4-cylinder K12 petrol engine, manual leh AMT gearbox duhthlan tur awm a hman chhunzawm leh dawn a. He khawl hian power lamah 83bhp leh 113Nm torque a pechhuak thei dawn a ni.