Inrinni khan Aizawl North MLA Dr.Vanlalthlana, School Education Minister etc. ni bawk chuan a bial chhung tlawhin hun a hmanga, bial chhung hmasawnna tur hrang hrang sawihoin khawtlang hruaitute nen inkawmhona hun an nei.
He hunah hian Dr. Mathlana, Bialtu MLA, Minister ni bawk leh Ramhlun South Khawtlang hruaitute chuan Ramhlun South huam chhunga khawtlang hmasawnna tur kawng hrang hrang a hmuna kalin an en ho a, mipui nawlpui chhawr tangkai theih tur leh hmasawnna huapzo veng chhunga kalpui a nih theih nan ruahmanna an siam a ni.
Hemi rual hian Bialtu MLA chuan Ramthar veng a zirlai BA Gold Medalist Lalhriatzuala hnenah Laptop a hlan nghal a, Ramhlun South branch YMA leh Laipuitlang branch YMA te Library a dah tur zirlai te tan a lehkhabu tangkai, MLA Fund atanga lei chu a hlan nghal bawk a ni.
Bialtu MLA hi ZPM Aizawl North II block hruaitute leh Ramthar veng unit hruaituten an tawiawm.