Rimawi khawvela band lar ber te zingami AEROSMITH chuan an zaipu Steven Tyler-a vocal cord hliam vangin touring an nei leh ngai tawh dawn lo, tih an sawichiang ta.
Vocal hliam hi a na angreng nia sawi a nih bakah ngaiawh thei tura ngaih a nih loh vangin band hian touring neih an tum tawh loh thu hi thuchhuah siamin an tarlang.
“Dawhsana kan inlan tawh chuan in hlimna leh phurna chawhthawh lehzual hi kan tum bur thin. In hriat tawh angin, Steven-a ‘aw’ hi a meizanghlaptu ber a ni a, thla eng emaw zat chhung chu a vocal hliam a dam thuai theih nan theihtawp a chhuah. Amaherawhchu, dam tha leh thuai tura beiseina chu a tawp ta, a tih theih a, ngaiawh leh chu thil theih loh tawp a ni ta a ni,” an ti.
American hard rock band zinga album hralh kal ber pawl ni pha AEROSMITH hian khawvelpumah album copy maktaduai 150 chuang an hralh tawh.
Kum 2001 khan Rock and Roll Hall of Fame-ah lakluh an lo ni tawh bawk.