Liverpool leh Cameroon defender Joel Matip chan free transfer-a Anfield a chhuahsan hnuin German champion Bayer Leverkusen in lak an tum. (Sky Germany)
Liverpool in Newcastleleh England winger Anthony Gordon thleng nan hman tum bawk mah se England defender Joe Gomez chuan nipui bazar inhawng mekah Liverpool chhuahsan tumna a nei. (Mirror)
England midfielder Conor Gallagher-a’n Atletico Madrid a zawm a nih chuan Chelsea chuan Celtic midfielder Matt O’Riley lak an tum dawn. (Sky Sports)
Chelsea chuan Gallagher hi kawl chhunzawm an la tum reng a, conract thar ziahpui tumin an dwr chhunzawm zel. (Mail)
Borussia Dortmund chuan Chelsea leh Aston Villa te hmakhalhin kum 21 mi Hoffenheim forward Maximilian Beier lak tuma intlansiaknaah hma an hruai. (Sky Germany)
AC Milan chuan Tottenham atanga Brazilian defender Emerson Royal lakchhuah nan 15m euros (£12.78m) bakah pek belh awm thei tur an tawktarh. (Fabrizio Romano)
Germany striker Niclas Fullkrug chuan Borussia Dortmund atanga West Ham zawm fel turin medical test a pal tlang fel ta. (Sky Sports)
Leeds United chuan Liverpool atangin English midfielder Bobby Clark chu loan in a hawh theih dawn em tih an thithlai. (Football Insider)
Juventus chuan an player pariat vel ngawt hralhchhuah an duh a, hralh an duh zingah hian Tottenham nena sawi zawm Italy forward Federico Chiesa pawh a tel. (Mail)
Manchester United leh Arsenal te pawhin Chiesa hi man tlawm zawka lak tumin an ngaihvel ve bawk. Chiesa hian Juventus ah kum khat daih chiah contract a nei tawh a, a man hi to tak a ni thei tawh lo. (Teamtalk)
Everton chuan sum leh paia inkhuahkhirhna an bawhchhiat loh nan England defender Jarrad Branthwaite chu an chhiarna zat aia tlawmin hralh ngei an ngai dawn. (Football Insider)