Zaithiam lar Adele chuan Korean fan te lak atangin sawiselna nasa tak tawngbaw mekin, Munich, Germany-a concert neih zawh taka ‘Rising Sun’ flag a pholang chuan a vawlet.
A bik takin, Korean fan te thin a tirim hle a, ‘Rumous Has It’ hla sak laia background-a ‘rising sun’ flag hi Japanese militarism nena inzawmna nghet tak neih a nih vang leh Korean mipuite’n Japan kut thak tuar a, a nawm a maka sawisak leh rawt chimih lek lek an nih dan te kha an theihnghilh mai mai theih loh vangin Korean fan te hi Adele lakah an lawm lo hle.
Sipai inawpbehna, nunrawnna leh dirimanna nena inzawmna nei tlata an ngaih vangin an pawm thei lo. Germany-ah Nazi ho symbol, Swaskita-i’n mi ram pawngnekna leh war crime a entir ah ngaih anih ang bawkin, rising sun flag pawh hi Korean te tan chuan an hliam-a chi phulsak lehna anga ngaih a ni.