Parliament session kal lai mekah nimin khan Mizoram MP (RS) K. Vanlalvena chuan Mizoram chanchinbu mite harsatna chungchang a sawi chhuak.
Chanchinbu registration title online-a dilna form-ah duh thlan theih tur ṭawng hrang hrangte ziah tlarnaah Mizo ṭawng telh a nih ve loh thu K. Vena chuan house a hrilh a. Mizo ṭawng hmangtute zinga chanchinbu chhuahna tur dilna form-ah Mizo ṭawng a tel loh avangin Mizo ṭawng chanchinbu a chhuah theih dawn loh tihna a nih avangin online-a dilna form-ah Mizo ṭawng telh ngei a phut thu K. Vena chuan a auchhuahpui a ni.
Hemi thu hi K. Vanlalvena chuan Union Minister of Information and Broadcasting Ashwini Vaishnaw hnenah ziakin a thlen nghal bawk.