- George L. Ralte, Vaivakawn
Tun tum chu Media leh Journalism chungchang hi i han thai lang ve thung teh ang.Tunlai thangthar zing ah te, nu leh pa thleng te pawhin a ni ang chu Media in hmanrua thenkhat a neih te hi hre lo tam tak an awm tawh awm e.Tunlai khawvel changkang chho mek zelah hian Media hmanrua lam pawhin nasa takin hma sawnin changkang lam a pan chho mek zel bawk a, chung Media hmanrua kan hriat lar thenkhat te hetiang hian lo thai lang ila.
1.Reporter: Reporter kan tih hian thenkhat chuan kan hre thiam mai awm e.Reporter chu ram pakhat a thil thleng thar chanchinthar atana thu rawn thawntu leh thil chin chang rawn sawitu ah an hmang deuh ber a ni.Tin Reporter hian mi langsar biangbiakna hi a neih thin bawk a ni.
2.Correspondent: He chanvo hi ram dang a awm te koh nan an hmang bik a.Bial nei deuh a thawk niin entirnan Political party pakhat vil bik tur te, Cour vil bik tur te khawtlang thil leh leh infiamna lam khawpui chhung chanchin ngaih ven biktu atan an hmang ber a ni.
3.Columnist: Anni ve thung hi chu Regular taka subject nei ngaih dan ziak thin an ni a.A tlangpuiin Columnist te hi chu Senior Journalist tawh te ni tlangpuiin heng mite tel lo chuan chanchinbu hi a tha tak tak thei lo.
4.Freelance Journalist: Anni ho hi hlawh hranpa nei lova an thuziah hmun hrang hranga theh darhtu leh an thuziah te hralh a ngaih chang a hralh thintu te an ni.Tin Education Qualification a ngai lo chungin an hriam hle a tul a ni.
5.Feature Writers: Thu ngaihnawm leh sei deuh News pangngai aia sei emaw Article emaw ziak thin te an ni a.Deadline a awm chungin Reporter te aiin an thuziah tur atan Research an bei hman deuh thin.
6.Critics: He mite hi chuan lehkhabu, Flim,Television, leh Radio Programme thlengin an Review thin a ni.
A tawp berah chuan Journalism lama lut tur te tan a hriat reng tur chu hna hrang hrang angin Tribal Quata a awm ve lo tih hi a ni thin.A thiam leh a thluak tha,huaisen leh taima dinchanna Profession a ni ringawt mai.Tin Journalist tha ni tur chuan a Profession luh chilh hma emaw a hnuah emaw Training hi a pawimawh em em bawk a ni.Thiam in ti sa tan pawh Training hi a pawimawh tak zet a ni.