Miss South Africa contestant pakhat chu Nigerian mi nihna neia puhna vanga rampum huap anga thu inchuhn nasa tak awm hnu-ah beautuy pageant atangin a inhnukdawk.
Adeshina (23) hian zanina final intihsiak lo awm turah inlan a tum ta lo chu a ni a, South Africa sorkara Home Affairs ministry-in a nu chu thil dik lo tak tia puhin, rammi nihna dik lo leh fel lo tak a kalpui a ti a ni.
“Ngun tak leh fimkhur taka ngaihtuah a nih hnu ah intihsiakna atanga inhnuhdawh mai turin thutlukna harsa tak ka siam a, kei leh ka chhungte himna pawh ngaihtuah tel a ngai,” tiin Adeshina hian a sawi.
Miss South Africa ni tura intihsiakna tan a nih phat khan a chungchang hian rampum titi a luah pha tlat mai a, a lo chawrchhuahna leh rammi nihna hi Nigeria-ah chhuiluh a nih vangin rampumin an khel luih luih mai.