Evangelical Free Church of India (EFCI) kohhranah Central Kristian Hmeichhe Pawl te huaihawtin August 7-8, 2024 chhung khan EFCI kohhranah Pastor leh thawktu nupui te pualin “Rawngbawltu Nupuite Seminar” chu Tourist Complex, Berawtlang, Aizawl ah tluang takah neih a ni. Resource Persons atan Rev. Lalchawlthang Țhiek leh a nupui Lienkhawtling Țhiek, IEM NE Region-ah Regional Secretary lo ni țhîn te hman an ni.
He Seminar hi hmun hrang hrangah buatsaih nihin, tun țumah hian Mizoram, Tripura leh Manipur state pathumte ațangin mi 46 an riaklût thei a, Aizawl area-a thawktu nupui bâkah Kohhran Upa nupuite pawh lângah telin an vaiin mi 70 bâwr vêl Seminar ah hian an tel thei a ni.
EFCI Central Kristian Hmeichhe Pawl hruaitute bâkah General Headquarters lamah Secretary pahnih leh Aizawl Presbytery hruaitute’n an țawiawm bawk.