Liverpool chuan England leh Newcastle forward Anthony Gordon an ngaihven chhunzawm zel. Liverpool hian Gordon hi June thla khan lak tum tawh mah se an indawrna a tlawh a, a man hi a sang leh hret tura ngaih a ni. (Liverpool Echo)
Aston Villa manager Unai Emery chuan Portugal forward Joao Felix lak a duh. Felix hian Atletico Madrid chhuahsan a lo duh ve viau bawk. (BirminghamLive)
Real Madrid leh Paris St-Germain te chuan Chelsea rawlthar defender Josh Acheampong an hmutai a, right-back thar lak an duh zual zingah an tel. Acheampong hi Chelsea academy atanga inzir zo hlim a ni. (Independent)
Leicester chuan kum 19 mi Argentina leh Brighton midfielder Facundo Buonanotte an hawh fel thei tep tawh. (Mail)
Real Sociedad chuan Liverpool in lak an tum Martin Zubimendi chu Anfield pan lo turin hmin an tum. Spain midfielder hi a lakchhuah theihna zat chu £51m a ni a, hetiang zata la ngam awm bawk mah se chhuahtir an hreh viau thung. (Times – subscription required)
Liverpool chuan Dutch defender Sepp van den Berg dawrna dawng nual mah se an hnar. Berg hi Hoffenheim, Stuttgart, Wolfsburg, Mainz, Borussia Monchengladbach leh Bayer Leverkusen te lakk tumin an ngaihven hlawm. (Sky Germany)
Brentford chuan Napoli atangin Sweden midfielder Jens Cajuste chu loan a hawh phawt a, £10m senga lak ngheh zui theih turin lak luh an remti. (Fabrizio Romano)
Valencia sporting director Miguel Angel Corona chuan Atletico Madrid in Spanish midfielder Javi Guerra lak an duh zawk vangin Chelsea atanga England midfielder Conor Gallagher lak an tumna an thulh leh niin a sawi. (Athletic – subscription required)
Birmingham City chuan Rennes nen kum 20 mi Wales midfielder Jordan James chungchangah indawr an remti. (Independent)
Marseille chuan England leh Arsenal striker Eddie Nketiah an ngaihven chhunzawm zel. (Sky Sports)
Bournemouth leh Barcelona te chu Mexico defender Julian Araujo chungchangah an indawr. (£8.56m) deal. (Fabrizio Romano)
French defender Billy Koumetio chuan Liverpool atangin Dundee a zawm fel thei tep tawh. (Athletic – subscription required)
Fulham chuan Aston Villa defender Diego Carlos an ngaihven thar a, kum 31 mi Brazilian hian nipui bazar inkhar hma ngeiin Villa Park a chhuahsan rin a ni a. Villa pawh Carlos dawrna dawngsawng turin an inpeih. (Telegraph – subscription required)