Statue mit la leh enhlawh tak Marilyn Monroe lim chu a kekawrte a lang, tih vangin tualchhungmite sawiselna chu thuneitute’n pawmin, an dahsawn dawn ta.
Feet 26 a sang Marilyn-i lim hian entu a ngah thei hle. A vanglaia lemchan khawvel nghawrnghintu leh mipa te ngaihzawn rawn a ni a, tuna a lim an siamah hian a thawmhnaw phe suau suau lai lem hnuaiah kekawr te lo lang hi naupangte’n an hmuh theih bawk vangin a him lo hle a, tualchhung mite’n an ngai a, ‘sexist’ lam rawngkai a nih vangin langsar taka dah tha an ti lo. Hei mai bakah parking lamah harsatna a siam vang a ni bawk.
Palm Springs-a lim an dah hi 1955 kuma ‘The Seven Year Itch’ film lar taka a inlan dan chuai thei mawlh lo kha a ni nghe nghe.