- Lallunghnema, Charity Lodge
Tun tum chu kan tî tî dawn a ni. Tha zawk tura ka ngaih avangin a sawitute hming hi ka tarlang lova, a pawi lo’ng chu maw.
“He kan ram, consumer-te lal lohna hmunah hian mipui (chu chu consumer tihna a ni -llh)dikna leh chanvo rah behin an awm a. Thiamna leh theihna aiin thisen zawmpui, laina in thil tih theihna nghet tak an nei a. Political party worker nih chu qualification ropui tak a ni mêk. He Zoram riang têah hian thuneitu tan thuneihna hman sual theih a ni lova. Department sum mahni tana hman kan in thlahrung ngai lova. Eirukna leh hlemhle na chu thil sualah kan ngai tawh hek lo. Central Scheme bo, Central Scheme mahni in sak nan leh motor tha tha lei nana hmang. Biak Inah kan tha a, a pawnah sual ngaiin kan sual leh mai. Sumdawng hlei hluak, dawrkai chapo, thil leitu bum ching, MRP thai chhiat ching,sumdawng dawrawm, pisa mi leh sa ei ruk tur melh rân reng Sunday School zirtirtu, Bûk tling lo chunga hralh hre lo. Dâwt sawi lova awm thei lo, bumna leh dâwt mu hlum pawi sa lo, ngaia neih tlat sumdawng zinga nitin hmuh tur an awm mek reng a nih hi”
“A tha lutuk”.
“Mi hausa, sumdawngte hian anmahni dawrtute hi min hmusitin min va ti rethei tak em! Han indawr ni khua hian pawisa nawi min kir tur aiah sweet emaw, vitamin C emaw min kir thin a. Keini a dawrtute hian pawisa nawi aiah hetiang hi pe ve ila, an pawm duh ang em? Heng thil hi tih bo dan a awm asin. Sumdawngte hian pawisa nawi hi bank atangin la chhuak ta se la, chu chu min kir ta se la, chutianga an tih chuan pawisa nawi hman tur kan lo nei tawh ang a, annî in min kir tur an nei reng tawh bawk ang a, pawm duh miah loh min pawmtir an chin hi a lo reh tawh mai dawn a ni”.
“An sweet/vitamin C min pek vek hian thil lei tum ila, an phal der si lo”.
“Vitamin C min pek hi khawl zel ila, a tha ang. 100 kan neih tlin hunah damdawi cheng za man kan lei thei tihna a ni mai.”
“Thil kan leia cheng sawm thir(coin) min kir thin te hian cheng sawm thira thil kan lei ve dawn hian an dawng duh miah lo nia”.
“Hei hi a buaithlak khawp mai, cheng sawm thir ka kawl ringawt”.
“Hman ni khan bazar puiah min kir a tum a, ka hmang thei dawn em ni? Ka tia, ‘bazarah chuan kan dawng duh vek tawh’ tiin min chhang a. A thlang lawkah ka hmang nghal”.
“I duh phawt chuan i FIR thei, cheng sawm thir hman theih loh tih dan a awm lo”.
“A dawng duh lo te chu an dawng duh lo a ni tiin hming ziah tir ila, consumer lamah complain theh luh mai hi a tha viau lo’ng maw le”
“Bazar ka chhuah remchan hunah ka cheng sawm thir kawl tawl mai mai ho hi hman ka tum chhin ang”
“Pawisa nawi neih loh hman hi corruption dona tha tak a ni”
“Dawr nghaktu/neitu ten pawisa nawi kir tur lo neih thlap hi an mawhphurhna ani e”
Tuna thusawi chi hrang hrang kan han tarlante hi consumer-te nunphung a ni a. Pawisa nawi hi customer-te leh thil zuartute pawhin an neih ve ve a tha. Bazar kal dawn in pawisa nawi nen in rin thlap zel hi a finthlak. Chutih lai chuan thil zuartute pawhin pawisa kir tur an lo neih sa a ngai a ni. Leitu mawhphurhna a ni bîk chuang lo. Kan mawhphurhna vek a ni. Gas Agent – ten inti lal taka ‘pawisa nawi inrin lawk tur,’ an ti fo hi chapo thil tih a ni. College Asst. Prof.pakhat chuan sweet hmangin damdawi a lei !
Ni tha i tan!
Harsatna i neih chuan min pan thei.