Manchester United chuan kum 19 mi Brighton leh – Republic of Ireland striker Evan Ferguson chu £50m sengin lak an tum a, Chelsea pawhin lak an tum nia hriat a ni. (Daily Star on Sunday)
Napoli sporting director Giovanni Manna chuan Chelsea leh Paris St-Germain te nena sawizawm Nigeria striker Victor Osimhen chuan chhuah a dil niin a sawi. (90 Min)
Chelsea chuan Napoli chu Belgium striker Romelu Lukaku an la duh tak zet a nih chuan a lak nan £36m an sen ngei a ngaih tur thu an hrilh. (Gianluca Di Marzio)
Benfica leh Barcelona te chuan Atletico Madrid leh Portgual forward Joao Felix chu loan a hawh tumin an ngaihven. (Sport – in Spanish)
Aston Villa leh Real Betis te chuan kum 28 mi Argentina midfielder Giovani lo Celso an ngaihven a. Tottenham chan Lo Celso hi chhuah an phalsak. (Fabrizio Romano)
Wolves chuan Espanyol, Genoa, Valencia leh Wolfsburg ten lak tuma an ngaihven kum 22 mi Portugal forward Fabio Silva manah 20m euros (£17.1m) chhiar an rilruk. (Teamtalk)
Brazil midfielder Casemiro chu Saudi Arabia club te nen sawizawm hlawh bawk mah se manager Erik ten Hag chuan Old Trafford a chhuahsan loh a beisei. (Metro)
Crystal Palace chu Wolfsburg nen French defender Maxence Lacroix chungchangah an indawr. (Sky Sports Germany)
Palace leh Aston Villa te chuan Chelsea defender Trevoh Chalobah an ngaihven. (Telegraph – subscription)
Bournemouth chuan Barcelona atangin Mexico defender Julian Araujo chu 10m euros (£8.6m) vel bawrin an la fel thei tep tawh. (ESPN)
Chelsea chuan nipui bazar inhawn chhung ngeiin an senior player paruk vel tal chhuahtir an tum. (Telegraph – subscription)
Premier League club eng emaw zatte chuan Bayer Leverkusen atanga Czech Republic forward Adam Hlozek lak tumin an ngaihven hlawm. Hlozek hi £15m vel bawrin a lakchhuah theih. (Florian Plettenberg)
Manchester United chuan an defender thar Leny a inhliam a, kuminah a inlan leh hman a beisei awm loh vangin kum 22 mi Everton leh England defender Jarrad Branthwaite dawr thar leh an tum. (Sun)
Manchester United leh Bayern Munich te indawrna chuan hma a sawn zel a. Netherlands centre-back Matthijs de Ligt leh Morocco full-back Noussair Mazraoui te chuan United an zawm ngei a beiseiawm. (Sky Sports Germany)
Juventus chuan Chelsea atangin England winger Raheem Sterling a lak theih dawn em tih an zirchiang a. Kum 29 mi Sterling hi EPL club dangte pawhin lak an tum ngei dawn thung. (Gianluca di Marzio – in Italian)
Bayern Munich chu Bayer Leverkusen atanga Germany defender Jonathan Tah lak an tumna atangin an inhnukdawk. (Kicker – in German)
Crystal Palace chuan Newcastle United in centre-back Marc Guehi lak tuma an dawr nawn lehna an hnar. (Sky Sports)
Wolfsburg defender Maxence Lacroix chu Crystal Palace in Guehi thlaktu tura an mi duh a ni tih an tichiang a, kum 24 mi hian German club ah kum khat chiah contract a nei tawh. (Florian Plettenberg)
American billionaire John Textor chu Everton neitu lian ber a ni dawn. (Guardian)
Manchester City in Argentina striker Julian Alvarez hmunruak luahtu atan lak tum pawh ni se Brazil forward Rodrygo chuan Real Madrid chhuahsan tumna a nei lo. (AS – in Spanish)
Crystal Palace leh Galatasaray te chu loan a Eagles winger hlui Wilfried Zaha hawh chungchangah an indawr. Zaha hian season liam ta khan conrtact hmang zovin Palace hi a chhuahsan. (Guardian)
Leicester City pawhin Galatasaray atanga Zaha hawh tumin hma an la ve bawk. (Athletic – subscription required)