La Liga club lian FC Barcelona chuan hun rei tak an um hnuin Dani Olmo chu RB Leipzig atangin an la lut fel ta nge nge.
Euro 2024-ah goal thum thuna top-scorer zinga mi Dani Olmo hi Barcelona academy La-Massia atanga inzirchhuak a ni a, Barca rawlthar team tan pawh a lo khel tawh thin. Kum 2014 khan Croatia club lian Dinamo Zagreb a zawm ta daih thung. Dinamo Zagreb atang hian kum 2020 khan German club RB Leipzig a zawm am heta tang hian a hming a chher lian leh zual a, Euro-ah a chetthat em vangin club lian ten an hmutai leh zual.
Real Madrid el phak leh tuma tan khawh mek FC Barcelona hian Dani Olmo hi 60m euros (£51m) sengin an la a, kum ruk daih contract an ziahpui. Olmo an lak fel hnuin Nou Camp atanga lakchhuah leh theihna tur an dah fel nghal a, Olmo lakchhuah theihna tur zat hi 500m euros (£429m) a ni. A chawrchhuahna club ah kir leh tawh mah se Dani Olmo hian Barcelona tan a la khel thei dawn rih lo. Barca hian Olmo ziak lut fel a, an aiawha khel thei turin an la ziak lut fel thei rih lo va, Olmo tan hmun siam turin an player neihsa an hralh hmasak zet a ngai thung.