Arsenal chuan French winger Kingsley Coman chu tun season chhung loan in hawh an tum a, Bayern Munich pawh kum 28 mi Koman chhuahtir turin an inhmakhua ve bawk. (Football Insider)
Brentford striker Ivan Toney chu Saudi Pro League club in lak an tum a, kum 28 mi England internation hi Al-Ahli in lak an duh. (Fabrizio Romano)
Chelsea chu Stamford Bridge-a Portugal forward Joao Felix hruai luh tumin an inrawnkhawm a, Atletico Madrid in lak an tum England midfielder Conor Gallagher manah kal tel tir dan an ngaihtuah. (Fabrizio Romano)
Newcastle United hmeichhe team chu Women’s Super League lamah kaisan tumin an inbuatsaih a, Manchester United striker Nikita Parris lak an tum. (Guardian)
Stuttgart chuan Chelsea atanga Armando Broja hawh tumin hma an la a. Kum 22 mi Albania striker hi German club zawm turin a inpeih. (Sky Sports Germany)
AC Milan chuan Roma striker Tammy Abraham chu lak ngeh zui theih turin loan a hawh phawt an duh a, mah se Bournemouth, Everton leh Leicester City te nen an inchuh ngei a ngai dawn thung. (Calciomercato – in Italian)
Nottingham Forest chuan Atalanta in 20m euros (£17.1m) chuanga Wales defender Neco Williams lei an dilna an hnar. (Fabrizio Romano)
Liverpool defender Virgil van Dijk chuan kum khat daih chauh contract nei tawh mah se Netherlands international hian a contract dinhmunah thil danglam a la awm lo tih a sawi. (Liverpool Echo)
Manchester United chuan English right-back Aaron Wan-Bissaka chu chhuahtir ngei an tum a, Old Trafford a chhuahsan theih nan inremna an neihpui thei ta. Kum 26 mi hian West Ham a zawm ang. (Mail)
Saudi Arabia club nena sawi zawm Brazil keeper Ederson chuan manager Pep Guardiola nen an indawr hnuin Etihad Stadium-ah a cham chhunzawm tur thu a sawi. (Mirror)
Leicester City chuan £23.2m senga Panathinaikos leh Greece striker Fotis Ioannidis lak tumin hma an la a. Foxes hian Galatasaray atanga Ivory Coast winger Wilfried Zaha lak tumin hma an la chhunzawm zel bawk. (Telegraph – subscription required)
Brentford chuan Sweden midfielder Jens Cajuste chu Napoli atangin an hawh thei dawn ta a. Cajuste hi a ngheta an la duh a nih chuan £10m sengin an la nghet zui thei dawn. (Football Insider)
Borussia Dortmund chuan Germany forward Maximilian Beier chu Hoffenheim atangin an la thei dawn a, Beier hi 30m euros (£25.7m) vel bawrin an la thei dawn. (Sky Sports Germany)