Band anga chetchhuatna awm tawh meuh lo BLACKPINK hi an zaiho tawh dawn lo em ni, tia zawhna a riring deuh deuh a, chutih laiin Lisa chuan solo kawng an zawh karah an kehdarh lo, tih a sawi.
YG Entertaiment chhuahsan a, mahni puala label LLOUD dintu hian June 2024 khan ‘Rockstar’ hla a tichhuak a, heta atang phei chuan solo kawng zawh a, awmkhawm thei tawh lo tur ang hiala sawi a ri chho ta a ni.
Heti anga thu leng vakvel nasa tak karah an mahni enkawltu YG Entertainment chuan, band member kimin an fuankhawm leh tep tawh a, 2024 world tour neih tumin an penchho leh dawn, tiin thuchhuah an siam.
Lisa pawhin thu belhchian dawl lo a tam hle tih sawiin, “BLACKPINK hi kan chhuang em em a, kan hmangaih hle bawk. Kan fan te tan mai ni lo, keimahni tan pawh hian a ni,” a ti.