Mizo ten football a tualchhung league kan en nasat leh kan ngaihhlut ber English Premier League (EPL) season thar 2024/25 chu tan a ni dawn ta a. Zanin hian Manchester United in Old Traffrord-ah Fulham an mikhual dawn. EPL 2024-25 a inkhel hmasa ber hi zan lai dar 12:30-ah khelh tan a ni dawn a, United tan point thum hmuh theihna remchang ni tura ngaih a ni.
Season liam ta beisei phak lo Manchester United hian an manager ngai Erik ten Hag an ring chhunzawm a. Ten Hag hnuaiah ngei EPL champion nih an tum dawn. Red Devils hian an tlarhnung thuamchak turin Lyon defender Leny Yoro an la lut a, ani hi hliam vangin a inlan thei rih dawn lo. Yoro bakah hian Bayern Munich defnder pahnih Matthijs de Ligt leh Noussair Mazraoui te an la lut zui leh bawk. Bayern atanga an lak luh Mazraoui hian Fulham lakah bul a tan tura ngaih a ni. An tlarhnung an thuamchak lai hian an forward pawimawh Hojlund a inhliam thung. Hojlund a inhliam vangin Marcus Rashford-a’n bul a tan a rinawm.
Fulham hian nipui bazar inhawng mekah player pathum; Ryan Sessegnon (Tottenham), Emile Smith Rowe (Arsenal) leh Jorge Cuenca (Villarreal) te la lutin an squad an thuamchak a, Manchester United lakah inrintawkna sang zawk nen an inlan theih a beiseiawm.
Kar tawp kan nghahhlelh nachhan, football a kan khawhar hnemtu EPL kan nghakchhuak leh ta e!
Club Manager Captain Stadium Capacity
Arsenal Mikel Arteta Martin Ødegaard Emirates Stadium 60,704
Aston Villa Unai Emery John McGinn Villa Park 42,657
Bournemouth Andoni Iraola Neto Dean Court 11,307
Brentford Thomas Frank Christian Nørgaard Gtech Community Stadium 17,250
Brighton Fabian Hürzeler Lewis Dunk American Express Stadium 31,876
Chelsea Enzo Maresca Reece James Stamford Bridge 40,343
Crystal Palace Oliver Glasner Joel Ward Selhurst Park 25,486
Everton Sean Dyche Séamus Coleman Goodison Park 39,414
Fulham Marco Silva Tom Cairney Craven Cottage 24,500
Ipswich Town Kieran McKenna Sam Morsy Portman Road 29,673
Leicester City Steve Cooper Jamie Vardy King Power Stadium 32,262
Liverpool Arne Slot Virgil van Dijk Anfield 61,276
Manchester City Pep Guardiola Kyle Walker Etihad Stadium 53,400
Manchester United Erik ten Hag Bruno Fernandes Old Trafford 74,031
Newcastle United Eddie Howe Jamaal Lascelles St James’ Park 52,257
Nottingham Forest Nuno Espírito Santo Joe Worrall City Ground 30,404
Southampton Russell Martin Jack Stephens St Mary’s Stadium 32,384
Tottenham Hotspur Ange Postecoglou Son Heung-min Tottenham Hotspur Stadium 62,850
West Ham United Julen Lopetegui Jarrod Bowen London Stadium 62,500
Wolves Gary O’Neil Mario Lemina Molineux Stadium 31,750