Nilaini tlai khan MZP Pisapui-ah MZP General Headquarters hruaitute leh Aizawl khawpui chhunga College hrang hrang Students’ Union leaders tharte an inkawm a. Mizo zirlaite hmasawn nan leh zirlaite issue hrang hrangah thawhho zel nise an ti.
He Joint Meeting hi, C. Lalremruata MZP Vice President in a kaihruai a, Chinkhanmanga Thomte General Secretary-in inhmelhriattirna leh pawl chanchin a sawi a. H. Lalthianghlima MZP President in thu a sawi.
MZP President chuan, College SU te hi Institution pakhat chauha hruaitu an ni lo a, kan ram zirna leh Mizo hnam hmasawnna leh ṭhatna tur ngaihtuah a, vei turin a sawm.
MZP General Headquarters hruaitute leh College Students’ Union leaders Joint Meeting chuan chuan, heng a hnuaia tarlante hi lungrual takin an pawm.
- Mizo zirlaite’n kan chanvo Scholarship a hma thei ang bera kan hmuh theih nan, Sawrkarin hma la vat rawhse. A ṭul angin MZP leh Students’ Union ten hmalak ho zel nise.
- Mizoram zirna leh kan hnamin hma a sawn theih nan, MZP leh SU Leaders-ten lungrual taka thawhho zel nise tha kan ti.
Joint Meeting-ah hian, Mizo Zirlai Pawl General Headquarters OB leh Appointed Secretary-te an tel a. Heng College:-
- Pachhunga University College SU
- Govt. Hrangbana College SU
- Govt. Aizawl College SU
- Govt. Aizawl North College SU
- Govt. Zirtiri Residential Science College SU
- Govt. T. Romana College SU
- Govt. Johnson College SU
- Govt. J. Thankima College SU
- Women’s Polytechnic Aizawl, SU
- NIELIT Aizawl Students’ Union te an tel bawk.