BJP National Mahila Morcha chuan ram pumah Kolkata-a doctor pawngsual anih hnua, rawng taka thah a nih zui tak duh lohna lantirna hun an buatsaih a. He hun hi BJP Mizoram State Mahila Morcha State pawhin Zirtawpni khan an hmang.
BJP Mizoram State Mahila Morcha chuan, hmeichhiate chunga hleilenna thleng thin leh pawngsual mai duhtawk lo va, nunna hial laksak an ni thin chu pawi an tih thu leh, he thil thlenga inhnamhnawih zawng zawngte chu man chhuak vek tur leh hremna na tak pe vek turin an ngen a, hetiang thil sual tak titu te hi an dem thu an sawi.
Mizoramah pawh doctor thihna hian hmeichhiate ngaihsak an tul zia a ti lang chiang hle a, hetianga rawva taka che thin te chungah hremna na tak pek an nih theih nan leh midangte pawhin hetiang hursualna laka an fimkhur theih nan, hremna na zawka pek zel chu an duhdan a nih thu an sawi bawk.
“Sorkar enkawl RG Kar Hospital, Kolkata-a doctor chunga hleihlenna rapthlak tak thleng hi pawi kan ti a, Pi Mamata Banerjee kaihhruai West Bengal sorkar chu hmeichhiate himna ngai pawimawh turin kan ngen a, India ram hmun hrang hrangah pawh hmeichhiate chunga hleihlenna hi tun hnu ah thleng tawh lo se kan duh bawk,” an ti bawk.