ISIS firfiak beih tumna vanga Vienna khawpuia zan thum awh tur Taylor Swift concert thulh hnu-a London neih tur hmasa berah venhimina a thuah a thipa kalpui niin, ticket nei lo te chu stadium pawna awm phal a ni dawn lo.
Austrian khawpui Vienna-a concert thulh a nih kha mi tam tak a barakhaih a, Taylor-i tan paw’n thil mak tawpkhawk a tling. Heti anga vauna emaw tharum thawh tumna ang zawnga thil thleng hi a tawng meuh lo, tih theih a ni.
London-ah hian zan nga ngawt show a nei dawn a, Wembley Stadium leh a chhehvelah venhimna khauh tak kalpui niin, show neih hmaa stadium pawna lo tei khawmuan emaw, lo awm ve ngawt thlengin phal a ni lo.
Ticket nei lo tan remchanna engmah siamsak ni lovin, pawn lama lo inhawrkhawm a, lo zaipu dual dual te thlengin khap tlat a ni bawk.