Home Minister K. Sapdanga chuan inrinni khan Hnahthiala Police SP leh Fire hmunhmate enfiahin lei min na hmun leh bawlhlawh paihna hmun te a enfiah. Minister hi Hnahthial bialtu MLA Jeje Lalpekhlua chuan a tawiawm a ni.
Home Minister K Sapdanga chuan Hnahthial District a SP leh Fire Department hmunhma chu enfiahin office changtlung zawk a awm theih nana hmalakna awm theih dan turte chu Hnahthial SP Shivendu Bhushan nen an en ho va. Police leh Fire ramte a tlawh hnu hian Saithah kawnga bawlhhlawh paihna leh KVK Farm kawnga Hnahthial bawlhhlawh paihna hmuhmate chu thlithlaiin felfai zawka bawlhhlawh tih riral a nih theih dan tur bakah mipuite tana hnawksak lo leh ram leilung tana pawi lo tura bawlhlawh paih dan turte chu a hmunah officials ho nen an en ho bawk. Hemi hnu hian Rokima in bul kawr lei tawlh leh Hnahthial field ko chhak min te chu a hmunah tlawhin chhiatna nasa zawk a thlen loh nan a hmalak dan tur te sawi ho bawk a ni.