Pathianni zing khan Perth, Australia-ah hlawhtling takin UFC 305 neih a ni a, middleweight champion Dricus du Plessis chuan a kawnghren chuhpuitu Israel Adesanya a rek tlawm a, a kawnghren a humhim.
UFC 305 fight ngaihven hlawh berah champion lai Du Plessi leh champion hlui Adesanya ten hmuhnawm takin bul an tan. Kum khat dawn fight hmachhawn tawh lo ni mah se Adesanya che vel a la hmuhnawm reng a, kawnghren lak let leh theihna hun remchang a neih tihpuitlin tumin theih tawp a chhuah. Kut tum hmang thiam zawk ni mah se a khingpui hi inbuan leh tharumah a hneh lo va, round khatnaah a tlawm thelh nghe nghe.
Round khatnaah a tlawm a pumpelh hram hnuin a insiamtha a, round hnihna leh round thumnaah tha zawkin a inlan. Round lina tir lam thlengin a khel tha chhunzawm a, chak phu zawka ngaih a ni hman. Round lina tawp dawn hnaih lamah a chesual a, Du Plessi hian chiang zetin a nghet fuh zawn. Chiang zeta a hnek fuh zawn hnuin a keuhtlu zui a, a kawnghren humhim turin a khingpui hi a rek tlawm zui ta a ni.
Dricus du Plessis hian kum 2020 atangin UFC a luhchilh a, fight vawi 10 a hmachhawnah a la chak vek. January thla khan Sean Strickland hnehin middleweight champion champion thar a ni a, Pathianni khan Israel Adesanya hnehin a vawi khat nan a kawnghren a humhim.