63rd Subroto Cup International football tournament, Bangaluru-a khelh turah Mizoram Under 15 team te chuan August 19, Thawhtanni chawhnu dar 3:00 khan tournament khelhna tur Bangaluru an thleng. Mizoram team hi Sports & Youth Services Department coach tawn hriat ngah tak, Lalthawmmawia leh manager Rozamliana ten an hruai.
He inelnaa pahnihna ni mek Mizoram hi CBSE, Tripura, Bihar leh Haryana te nen Group H ah an awm ho a, vawiin August 20 hian Tripura hmachhawnin an match hmasa ber an khel ang. Mizoram hmachhawn tur Tripura hian Pathianni khan an match khatna an khel a, CBSE lakah 2-0 in an chak lo. Tripura hian Mizoram lakah fiahna hautak an hmachhawn zui leh ang.
Subroto Cup hi khawvel huapa school naupangte inelna ngaihhlut hlawh tak niin kum 1960 atang tawh khan kum tin neih thin a ni. August 19 atanga khelh tan Subroto Cup (Under 15) ah hian ram chhung state hrang hrang atangin team 35 chuang zet an tel a ni.
Subroto Cup-ah hian khawvel ram hrang hranga junior football team te pawh an rawn tel ve tawh thin a. Brazil, Australia, United Kingdom, Ukraine, Switzerland, Sweden, Sri Lanka, Bangladesh, Nepal, Afghanistan, Malaysia, Israel, Bhutan, UAE, Indonesia leh Uzbekistan te pawh an lo tel tawh thin a ni.
Mizoram team list:
Keeper:
Benjamin Lalrinkima Reiek
Lalmalsawmtluanga Buhchangphai
Defender:
C Vanlalchhanhima Mualthuam
Vanlalremruatpuia Republic Veng, Aizawl
H Laltlanhlua Chaltlang, Aizawl
Sebastian Vansangkima Kolasib
B Vanlalpeka Kolasib
Midfielder:
Lalrempuia Phuldungsei
Isak Malsawmtluanga Kolasib
Lalrinhlua Tumpui, Kolasib
Samuel Zodingliana Salem Veng, Aizawl
JH Vanhmingliana Vaivakawn, Aizawl
Vanlalmuana Zonuam, Aizawl
Forward:
PC Lalfakmawia Vairengte
Zodinpuia Sihphir
Lalvohbika (Captain) Durtlang