Moto GP champion ni mek Francesco Bagnaia chuan Jorge Martin lakah a hmahruaina a hloh hman zet a. Pathianni Austrian Grand Prix-ah a chak leh tak vangin Bagnaia hian driver standing-ah hma a hruai nawn leh.
Moto GP-ah vawi hnih champion zawn tawh Bagnaia hian a zawna vawi thum champion zawn tumin tan a khawh a, inelna neih mekah a chetha leh viau. Driver standing-ah hma a hruai reng hnuin Jorge Martin lakah a hmahruaina a hloh a, Prima Pramac Racing rider lakah point thumin a hnufual hman. Pahnihna ni chungin Pathianni khan intlansiak a hmachhawn a, Austrian Grand Prix-ah tlan chak ber a ni a, point ngain Jorge Martin a lehpel zui leh nghal. Driver Stading-a hmahruaitu Bagnaia hian point 275 a hmu mek a, a hnuai chiaha awm Jorge Martin-a’n poit 270 a hmu ve mek a, inelna boruak a nung tha hle.