Ni 19 August, 2024 a Kolasib District lirthei pawl hrang hrang intel khawm ten an ro rel, Ni 22th Aug., 2024 hnu lama tiam chin awm lova lirthei engmah Kolasib district chhunga tlan a rem tih loh, thu chhuah an siam chuan mipuite a nghawng thei hle turah MIMA chuan a ngai.
Hetiang an tih chhan ber, kan chak lakna kawng chhe lutuk hi MIMA chuan a veiin, ni 24th July, 2024 khan siamtha tura ngenna thuchhuah a lo nei tawh a. Kolasib District Motor neitute hmalak an tumna hi a thain, kawng siamtha tur hian hmalak thuai ni se a duh a. Lirthei pawl hrang hrangte hma lakna kawng siamtha rang tura nawrna hi MIMA chuan thlawp tlat a ni. Motor tlan lohin a nghawng leh tuartu ber turte chu mipuite kan ni a. Sawrkar hian rang taka ngaihtuahin hma la thuai se tih hi MIMA pawhin a duh a. Sawrkar a ngen nghal a ni, tiin nimin khan thuchhuah an siam.
He kawng danin a nghawng tura lang chu kan nitin mamawh ei leh bar, oil thlengin a ni leh dawn a. He thilah hian sumdawng tumahin kan thil zawrhte chheprelh lo tur leh ti to lo turin a ngenin a hriattir a ni. Lo ti to leh chheprelh hriat an nih chuan MIMA in tha a tih angin hma a la ang a. A puang zar dawn a ni, an ti bawk.