Donald Trump-a’n dik lo takin Taylor Swift thlawpna a dawng niin a lang a, social media lama fake image langah singer leh fan te’n an thlawp tlat tia post siam chu thu takah a ngai nia hriat a ni.
Republican presidential candidate hian thlalk hnuaiah, “Ka pawm e,” tiin message a dah a, mi tam tak chuan he thlalak hi tunlai thiamna changkang tak AI hmanga siam ni ngeiah an ngai.
Post hi Taylor Swift fan te zingah duh lohna leh dodalna a nasa nghal hle a, ‘Swifties’ tia hriatlar te hian Trump hi dik lo taka thu thehdarhah an puh hmiah mai.
Kum 2024 US inthlanpui lo awm turah Taylor Swift hian candidate pakhatmah a thlawp thu a la sawi lova. 2020 khan Democrats lam a thlawp thung.
Trump leh Taylor te inkar a tha lo hle a, president a nih lai khan nasa takin a sawisel thin.