Mizoram Football Association chuan Single Point of Contact for Integrity (SPOC) atan Tv C Lalmalsawma, MPS , Mission Vengthlang chu a ruat thar.
AIFF lam atanga ruat tur a tih SPOC hian Football hmelhemna tur hrang hrang- match leh spot fixing laka invendan leh hriatchhuah dan te, a lo awm huna chhui zui leh a tul dan a sorkar lam thuneitu te nen a hmalak hna te a thawk ang. SPOC hi MFA ruat ni mahse independent body angin a hna hi a thawk ang.
Mizoram Football Association chuan Aug ni 23, Zirtawpni zan dar 7:30 hian Chanmari YMA Hall ah MPL club te leh Match Officials te tan a vawikhatna atan Integrity Workshop a buatsaih dawn a. He hunah hian Football ti hmelhem thei thil hrang hrang hriatchhuah leh inven dan tur bakah hetiang huna hmalak dan tur inzirtirna hun hman ani ang.
Hetiang kaihhnawih thil reng reng report tur nei chuan mfaintegrity@gmail.com ah engtiklai pawhin thehluh theih ani ang.