Chelsea chuan an winger Raheem Sterling chu Aston Villa hnenah an zawrh. Mah se kum 29 mi Sterling hian Villa manager Unai Emery ruahmannaah hmun a chang phak ang em tih a chiang lo thung. (Mirror)
Sterling chu a hma lam hun a thim zui zel a, Chelsea in chhuahtir tum mah se Saudi Arabia lam pan tumna a nei lo. (Mail)
Liverpool chuan Everton atangin England defender Jarrad Branthwaite lak an tum thar ve dawn a. Kum 22 mi manah hian £63m bakah £7m pek belh theih tur tawktarh an siam. (Sun)
Southampton chuan Arsenal leh England goalkeeper Aaron Ramsdale lak tuma dawr an tum. (Mail)
Arsenal chuan England forward Eddie Nketiah chu Nottingham Forest zawm an phalsak dawn hnai tawh. (ESPN)
Leicester City chuan Crystal Palace atangin kum 32 mi Ghana forward Jordan Ayew an la thei dawn hnai tawh. (Sky Sports)
Leicester boss Steve Cooper chuan nipui bazar inhawn chhung ngeiin attacking midfielder pahnih emaw tal lak luh tumin hma a la mek. (Telegraph – subscription required)
Norwich City chu Real Madrid atanga kum 22 mi Brazilian attacking midfielder Reinier lak tum zingah rin loh takin an tel ve teh tlat. (O Globo – in Portuguese)
Aston Villa chu Atletico Madrid leh Spain Under-23 striker Samu Omorodion lak theihna hun tha pek an ni. Kum 20 mi hian tun thla tir lam khan Chelsea a zawm hman tep a, an indawrna a tlawlh ta tlat thung. (Mail)
Tottenham leh Manchester United te chuan Barcelona leh Denmark defender Andreas Christensen an thlithlai. (Sport – in Spanish)
Tottenham chuan kum 19 mi centre-back Ashley Phillips chu loan in Stoke City zawm an phalsak dawn. (Athletic – subscription required)
Girona chu Watford nen kum 20 mi Colombia midfielder Yaser Asprilla man leh mualah £21.2m bakah pek belh leh theih turin an inrem. (Sky Sports)
Brighton, Real Sociedad leh Real Mallorca te chu free transfer-a Germany defender Mats Hummels lak tumin an inel hlawm. (Florian Plettenberg)
Barcelona chu Juventus nen Italy winger Federico Chiesa chungchangah inremna an nei thei ta a. Kum 26 mi hi Catalan club lian Barca hian £11m sengin an la lut thei dawn. (Sport – in Spanish)
Everton, AC Milan, Bayern Munich leh Turkey club thenkhat ten Newcastle defender Kieran Trippier lak tumin an ngaihven hlawm. (Talksport)