Zaithiam lar chuai thei lo Mariah Carey chuan nikhat thil thu-ah a nu leh a nau hmeichhia te chu thihna vangin a chân.
Particia (87) leh Alison te hi zirtawpni kalta khan an thi a, Carey (55) tan vanpui a chim a ni ber. “Kartawp khan ka nu in min boralsan a, ka van tanpui a chim a ni. Vanduaina a thuah hnih a, ka nu thih ni vek hian ka nau hmeichhia a thi veleh bawk,” tiin a sawi.
A nu boral hma kar khan a awmpui hman chu malsawmna duhawm tak a ni tih thuchhuah siamah a tarlang a, hun harsa leh hrehawm tak a hmachhawn mek lai hian mimal leh chhungkua lam thil inzahsak hram turin a ngen bawk.
Chanchin buatsaih lai hian an thih dan leh thih chhan tarlan a ni lo.
Carey hian kum 2002 khan cancer vangin a pa a lo sun tawh. Kum 3 mi lek a nih laiin a nu leh pa te an inthen a ni.