Nimin khan ZPM General Headquarters chuan Organisers leh Deputy Chief Organisers te tan sawrkar flagship programme hand holding policy zirchianna Venghlui YMA hall ah a buatsaih a, Dr.KC Malsawmzauva Adviser to Chief Minister leh Co Chairman, Marketing Board ni bawk chu resource person a ni.
Dr. KC Vanlalmalsawmzauva, Adviser to Chief Minister chuan sawrkar thil tum leh handholding kal pui dan tur zirtirna kim chang takin a pe a, Hand Holding policy chu Sorkar flagship pawimawh tak leh inthlan hma atang tawha ZPM Party in mipui hnena a lo tlangaupui tawh a nih thute, kuthnathawktute leh thalai mahni kea din tumte bana kaihna tur policy a nih avanga sorkarin a ngaihpawimawh thute, tin awmze nei tak leh system felfai taka kalpui tum a nih thute a sawi a ni. Hei bakah hian zawhna leh chhanna hun te hman a ni bawk.
He hunah hian Er. Vanlalneiha Ralte, Secretary General pawhin infuih tharna thu sawiin, sawrkar hmalakna ah tumah awl thei bik an awmloh thu te, dikna nena ram siamṭha tura theih tawp chhuah zel turin kalkhawmte a sawm a ni.
He meeting hi R.Lalhmunsiama, Chief Organiser in a kaihruai a, Lalchhuma Deputy Chief Organiser in hunserh a hmang bawk.